... «بهچکه کوردێکی شارهزووری، نهداری، ههژاری بێ ناز و نیاز، ئالوودهی ئارهقه و ئهرک و زهحمهتی پڕ تهپوتۆزی «خاکوخۆڵ»، گیرۆدهی چهندین تهنگوچهڵهمه و چهکمهسازیی حاڵوباری ناگزوور و بێ شهوق و زهوق، دهسپاچهی کۆمهڵایهتی - ئابووری - ڕامیاریی ژێر قهمچی و زهبروزهنگی ڕژێمی نیوه شارستانانه، تهکان خواردووی بێنه و بهرهی گوریسکێشهکێی نێوان ئێران و عوسمانلی، ڕۆڵهی میللهتێکی ههرگیز خۆشی نهدیتووی به ئهبهد ڕێز لێنهگیراو و تێنهخوێندرایهوه، ئاکامی موعادهلهی چهندین عامیلی زانراو و نهزانراوی ههرچی هۆی سهرهژێربوون و بهخۆدا شکاندنهوه و دالهنگان و کهمایهتی و نزم بوونهوه و چوونهوهیه... غهزهب لێگیراوی قهدهر... مۆرلێدراوی چارهڕهشی... خدری ئهحمهد شاوهیس... نالیی شارهزهووری... سهردهفتهری ههڵبهستی کوردی له ههموو سهدهی نۆزدهمدا... گهوههرسنجی کانگای واتا و جوانی و عیشق... شیرازههۆنی خولیا و خهیاڵ و ئهفسوون... جێگهی شانازی و سهربڵندیی ههڵبهستی کوردی له ئاست ئهدهبی جیهانی مسڵمان... تێهێنهرهوهی ئابڕووی مهعنهوی له تهک دالهنگانی تهرازووی دهسهڵات و سامان و کیانی کورد... ڕووتهڵهی بهخۆ نازیو... ههژاری گهردهنکێل... ئاوارهی بێنیاز... ئهمانه و چهندین وێنهی تری دهستبهتاڵی و دڵتێری، فهخر کردن و تهوازوع، بڵندنۆڕین و خاکنشینی، خۆ به کهم گرتن و فیز و ناز...».

... «یهکێک لهو بوێژانهی کورد که بهڕاستی و بێ موجامهله لهگهڵ خۆدا کردن له ڕیزی ههره پێشهوهی بوێژانی مسڵمانهوه دێت، زۆر جارانیش له تاک تاکه بهیت و دوو بهیتدا بهرایی له زۆربهیان دهگرێت ئهگهر نهڵێم له ههموویان، مهلا خدری - نالی- یه».

«چهپکێک له گوڵزاری نالی»